Kachi deewar hoon thokar na lagana mujh ko
Apnni nazron main basaa kar na giraana mujh ko
Tum ko aankhon main tasw'wur ki tarha rakhta hoon
Dil main dharrkan ki tarha tum bhi basaana mujh ko
Baat karne main jo mushkil ho tumhe mehfil main
Main samajh jaaon ga aankhon se bataana mujh ko
Vaada utna hi karo jitna nibhaa ssakte ho
Khuwab poora jo na ho woh na dikhaana mujh ko
Apne rishte ki nazaakat ka bharam rakh lena
Main to aashiq hoon deewana na banaana mujh ko
~ ~ ~ ~ ~ ~
No comments:
Post a Comment