Khuli Jo Aankh To Wo Tha NA Wo Zamana Tha

Khuli jo aankh to wo tha na wo zamana tha

Dehkti aag thi, tanhayi thi, fasana tha..

Gumon ne baant liya hai mujhe yuon aapes main

ke jaise main koi loota hua khazana tha..

Ye kia chund hi kadmoo pe jhuk ke baith gaye

Tumhain to sath mera door  tak nibhana tha..

Mujhe jo mere lahoo main daboo ke guzra hai

Wo koi ghair nahi yaar ek purana tha..

Khud apne he hath se usko kaat diya

Ke jis taraf pahle ye aashiyaana tha..

YA TOH MIT JAAIYE YA MITA DIJIYE

Ya toh mit jaaiye ya mita dijiye
kijiye jab bhi sauda khara kijiye

Ab jafa kijiye ya wafa kijiye
aakhari waqt hai bas dua kijiye

Apne chehre se zulfen hata dijiye
aur phir chaand ka saamana kijiye

Har taraf phool hi phool khil jayenge
aap aise hi hanste raha kijiye

Aap ki ye hansi jaise ghoongharu baje
aur qayaamat hai kya ye bata dijiye

~ ~ ~ ~ ~

Phir Kisi Yaad Ne Hai Raat Bhar Jgaya Mujh Ko

Phir kisi yaad ne hai raat bhar jgaya mujh ko
Kia saza di hai muhabbat ne khudaya mujh ko

Din ko araam hai na raat ko chain hai
Jane kis khak se hai qudrat ne bnaya mujh ko 

Dukh to ye hai zmane mein mile ghair sabhi
Jo mila hai wo mila ban ke praya mujh ko

Jab koi bhi na raha kandha mere roone ko
Ghar ki  dewaaro'n ne seene se lgaya mujh ko

Ab to umeed o wafa tum se nahi hai koi
Phir chraghoo'n ki tarrah kis ne jlaya mujh ko

~ ~ ~ ~ ~

Udaas Hai Koi

in fasloo ki fikar main kiun karo bhala
boht door reh kar bhi mere paas hai koi

iss sooch main dubaa hai boht dayr se mera dil
kia us ke dil main bhi esaa ehsaas hai koi

uss ki nazroo se bana meri sansoo ka tsal'sul
iss tarha se meri zindgi ki aas hai koi

uss ka jo puchhna hai to bas itna hi jaan loo
boht khaas boht khaas boht khaas hai koi

jo ja rahe ho to ye bhi usye kehna
uss ke bina iss shehr main udaaz hai koi

~ ~ ~ ~ ~

Duniya Ke Sitam Yaad

Duniya Ke Sitam Yaad Na Apni Wafaa Yaad
Ab Mujh Ko Nahi Kuch Bhi Mohabbat Ke Siwa Yaad

Mein Shikwah Ba Lab Tha, Mujhe Ye Na Bhi Raha Yaad
Shayad Ke Mere Bhoolnay Waalay Ne Kia Yaad

Kia Jaaniye Kia Ho Gaya Arbaab-e-Junoo.n Ko
Jeenay Ki Adaa Yaad Na Marnay Ki Adaa Yaad

Kia Lutf Ke Mein Apna Pataa Aap Bataaon
Kijiye Koi Bhooli Howi Khaas Apni Adaa Yaad

Muddat Howi Ek Haadsa-e-Ishq Ko Laikin
Ab Tak Hai Tere Dil Ke Dharaknay Ki Sadaa Yaad

~ ~ ~ ~ ~

Dil Ye Mera Kyun Rone Laga

Dil Ye Mera Kyun Rone Laga
Tere Hi Kyun Sapne Sanjone Laga
Yade Teri Is Kadar Pahle Ati Na Thi
Mujhko Tanhaiyo Me Rulati Na Thi
Jabse Dil Ye Mera Tanha Hone Laga
Tere Hi Kyun Sapne Sanjone Laga
Dil Ye Mera Kyun Rone Laga

~ ~ ~ ~ ~

Bekhauf Raasta

Darwaza koi ghar se nikalne ke liye de
Bekhauf koi raasta chalne ke liye de
Aankhon ko khawb ataa kiye shukria lekin
Paikar bhi koi khawbon main dhalne ke liye de
Sehmi huyi shaakhon ko zara si koi mohlat
Sooraj ki sawaari ko nigalne ke liye de
Sab waqt ki deewar se sar phorr rahe hain
Koi humain bhi to raasta bhaag nikalne ke liye de
Sailaab main mujh ko aye phenkne wale
Toota hua aik pal hi sambhalne ke liye de
Bedard mohabbatain hain bedard dilon ki
Koi cheez to inhe bhi pighalne ke liye de

~ ~ ~ ~ ~

Hathon Pe Mera Naam Likha Hai

Gulshan ki baharon pe sar-e-shaam likha hai
Phir uss ne kitaabon pe mera naam likha hai
Yeh dard musalssal meri duniya main rahe ga
Kuch soch ke us ne mera anjaam likha hai
Jis ne meri jaanib kabhi murr kar nahin dekha
Suna hai uss shakss ke hathon pe mera naam likha hai

~ ~ ~ ~ ~

AJNABI KHAUF FIZAON MAIN

Author: Ahmad Kamal

Ajnabi khauf fizaon main basa ho jaise
shahar ka shahar hi aseb zada ho jaise

Raat ke pichle pahar ati hain avazain si
dur shahara main koi chiKh raha ho jaise

Dar-o-divar pe chai hai udasi aisi
aj har ghar se janaza sa utha ho jaise

Muskurata hun pa-e-Khatir-e-ahabab magar
dukh to chehre ki lakiron pe saja ho jaise

Ab agar dub gaya bhi to marunga na Kamal
bahte pani pe mera nam likha ho jaise

~ ~ ~ ~ ~~

SAFAR MALAAL KA HAI

Author: Noshi Gilani

Safar Malaal Ka Hai Aur Chal Rahi Huun Mei
Ghubaar-e-Shab Ki Udasi Mei Dhal Rahi Huun Mei

Ajeeb Barf Ki Barish Badan Pe Utri Hei
Ke Jis Ki Aag Mei Chup Chaap Jal Rahi Huun Mei

Phir Ik Charaagh Jala Shaam Ki Haveli Mein
Phir Ik Dard Se Aakhir Sambhal Rahi Huun Mei

Ye Rakh Rakhaao Usay Jaanay Naheen De Ga
Ke Apne Aap Mei Kaisay Pighal Rahi Huun Mei

Ye Ishq Sach Se Juda Kaisay Ho Gaya Jaana?
Ab Is Sawaal Se Bahar Nikal Rahi Huun Mei

~ ~ ~ ~ ~

AANSU'OON KI TARAH

Aansu`oon ki Tarah Nazron say Giraya Us Ne
Apni khabar Na Mili Kuch Aise khak Mein Milaya Us Ne,

Elzaam Mujh Pe Lagaaya Magar Bewafa khud Tha
Pehle Dewana Banaya Phir Mujhey Thukraya Us Ne,

Usko Mazaa Aata Hai Mujhko Sataane Mein
Mujhe Geeli Lakri ki Tarah Jalaya Us Ne,

Aaya Na Tha Us ko Wadaa Wafaa Karnaa
Logon ko Jhota Apni Wafa ka Qisa Sunaya Us Ne,

Tanhayon K Dard Se khoob Waqif Tha Woh  FARAZ
Pher Bhi Dunya Mein Mujhe Tanha Baanaya Us Ne.

~ ~ ~ ~ ~

Kachi Deewar Hoon

Kachi deewar hoon thokar na lagana mujh ko 

Apnni nazron main basaa kar na giraana mujh ko 

Tum ko aankhon main tasw'wur ki tarha rakhta hoon 

Dil main dharrkan ki tarha tum bhi basaana mujh ko 

Baat karne main jo mushkil ho tumhe mehfil main 

Main samajh jaaon ga aankhon se bataana mujh ko 

Vaada utna hi karo jitna nibhaa ssakte ho 

Khuwab poora jo na ho woh na dikhaana mujh ko 

Apne rishte ki nazaakat ka bharam rakh lena 

Main to aashiq hoon deewana na banaana mujh ko 

~ ~ ~ ~ ~ ~

Tujhe Ishq Ho Khuda Kare

Tujhe ishq ho khuda kare 

Koi us ko tujh sy juda kary 

Tere hoont hasna bhool jain 

Teri aankh pur'nm raha kary 

Tu us ki batain kia kary 

Tu us ki batain suna kary 

Tu us ko dekh k ruka kary 

Wo tujh ko dekh k chala kary 

Tujhe sehar ko wo chhari lagy 

Tu milan ki har pal dua kary 

Tu tarpy us k ishq main 

Usy boolny ki dua kary 

Tujhy ishq ho phir yaqeen ho 

Usy tasbiyoon main perha kary 

Tery samny tera ghar jaly 

Tera bus chaly na bacha saky 

Tera dil yehi dua kary 

Na ghar kisi ka jala kary... 

~ ~ ~ ~ ~ ~

Mujhe Tum Yaad Atey Ho

Humain ab kho ke kehta hai mujhe tum yaad atey ho 

Kissi ka ho ke kehta hai mujhe tum yaad atey ho 

Samandar tha to zor-o-shor se lehrein bahaata tha 

Ab qatra qatra ho ke kehta hai mujhe tum yaad atey ho 

Beyaan karte jo hal-e-dil to yunhi muskuraa deta 

Ab wohi ro ro ke kehta hai mujhe tum yaad atey ho 

Na pooch tu us ki badnaseebi ka aalam 

Ke sab kuch kho ke kehta hai mujhe tum yaad atey ho 

~ ~ ~ ~ ~ ~

Silsile Tod Gaya

Silsile tod gaya woh sabhi jaate jaate 

Warna itne to marasim the k aate jaate 

Shikwa-e-zulmat-e-shab se to kahin behtar tha 

Apne hisse ki koi shama jalate jaate 

Kitna asaan tha tere hijar mein marna jaana 

Fir bhi ek umar lagi jaan se jaate jaate 

Jashan-e-maqtal hi na barpa hua warna hum bhi 

Paab-zoolan hi sahi naachte gaate jaate 

Uski woh jaane use paas-e-wafa tha k na tha 

Tum FARAZ apni taraf se to nibhaate jaate 

~ ~ ~ ~ ~ ~

Ek Larki

Author: abid_bhatti

KUCHH AJB PRYEM WO KARTI THI
LARKI WO KISI PE MARTI THI
KEHTI THI MUJH SE BAT KARO
PAR KHUD KUCHH KEHNE SE DARTI THI
WO PYAR KISI SE KARTI THI
PAR IZHAR NAHI WO KARTI THI
ANJAN THI LAFZ-E-MUHABAT SE
PAR DAWYE PYAR K KARTI THI
DIKHNE MAIN KESI HOOR C THI
OR MAHTAB KA NOOR C THI
ABID NA SAMJHO TUM AAM USYE
WO BATAIN CHAND SE KARTI THI

~ ~ ~ ~ ~